Сириядан дагы 28 аял жана 71 бала Кыргызстанга кайтарылды

Сириядан кайтарылган аялдар жана балдар. Бишкек, Кыргызстан. 30-август, 2023-жыл. (Сүрөт ТИМге таандык)

20-февралда “Айкөл 5” гуманитардык миссиясынын алкагында Сириянын түндүк-чыгышындагы атайын лагерлерден Кыргызстандын 99 жараны алынып келди. Тышкы иштер министрлигинин басма сөз кызматынын маалыматына ылайык, алардын ичинен 28и аял жана 71и балдар.

Мекеме кыргызстандыктарды мекенине кайтарып келүү боюнча кезектеги гуманитардык миссия Америка Кошмо Штаттарынын өкмөтүнүн колдоосу менен уюштурулганын билдирди.

Акыркы жолу Сириянын түндүк-чыгышындагы лагерлерден 2023-жылдын 8-декабрында Кыргызстандын 95 жараны алынып келген.

Кыргызстандын Улуттук коопсуздук боюнча мамлекеттик комитетинин (УКМК) 2018-жылдагы маалыматына караганда, Сириянын согуш болуп жаткан аймактарына Кыргызстандан 850 жаран кетип, анын 150сү ошол жакта набыт болгон. Террордук уюмдарга кошулуп кеткен кыргызстандыктардын 140ка жакыны аялдар экени айтылган. Андан бери бул аймактарда канча кыргызстандык жүргөнү тууралуу так маалымат жок.

Буга чейин Кыргызстандын тышкы иштер министри Жээнбек Кулубаев Ирактын жана Сириянын түрмөлөрүндө отурган кыргызстандык 200дөй аялдын жана 400дөй баланын тизмеси аныкталганын билдирген. (BTo)

Дагы караңыз

Милициянын өкүлү баңгизат бизнесин калкалаган деген шек менен камалды Оң рулдуу машинаны такси катары айдоого тыюу салган токтом долбоору талкууга коюлду Көчөгө ташталган үч ымыркайга туугандары жана фостердик үй-бүлө камкорчу болду Путин Жаза аткаруу кызматынын директорунун орун басарына генерал-полковник чинин ыйгардыКазакстандын бейпилдик күчтөрү Жакынкы Чыгышка аттануудаПрезидент Кызыл-Омполду мамлекет өзү иштете турганын айттыКыргызстанда былтыр электр чыгырыгы катышкан 81 кырсык катталды11 журналисттин иши: Султаналиев бир да жолу сурак болбогонун билдирди