Башкы прокуратура Каракол шаарындагы №2028 аскер бөлүгүндө иштеген кенже сержант Жылдыз Асанакунованын кайрылуусунан кийин аскер бөлүктүн командири (А.Б.), анын орун басары (Б.К.), прапорщик (К.К. уулу) жана жеке ишкер (Т.Е.) камакка алынганын билдирди.
Башкы көзөмөл органынын маалыматына караганда, Жылдыз Асанакунованын билдирүүсүндөгү беш доомат боюнча мыйзам бузуу аныкталып, Кылмыш-жаза кодексинин “Кызмат абалынан кыянаттык менен пайдалануу”, “Кызматтык жасалмачылык”, “Ишенип берилген мүлктү ыйгарып алуу, коротуу” жана “Ден соолукка анча оор эмес залал келтирүү” беренелери менен кылмыш иши козголду.
Жылдыз Асанакунова №2028 аскер бөлүгүндө жоокерлерди уруп-согуу, кодулоо, азык-түлүктүн сапаты тууралуу интернетте 6-февралда айтып чыгып, өлкө жетекчилигине кайрылган. Ал соңку 10 жылдан бери аталган мекемеде фельдшер болуп иштеп келатканын, терс көрүнүштөр жөнүндө аскер бөлүктүн командирине, жогорку кызматтагыларга айтканын, бул үчүн ага да басым болуп жатканын билдирген.
Улуттук коопсуздук боюнча мамлекеттик комитет (УКМК) кенже сержанттын маалыматы тастыкталбаганын билдирген. УКМКга караштуу Мамлекеттик чек ара кызматы да жоокерлерге зордук-зомбулук белгилери аныкталбаганын кабарлаган. (BTo)
Дагы караңыз
Салехардда Навальныйдын апасына уулунун сөөгүн көрсөтпөй жатышканы кабарландыШаардык сот 24.kg агенттиги боюнча райондук соттун токтомун күчүндө калтырдыДепутат Осмонов Райымбек Матраимов менен мамилеси жок экенин айттыЖапонияда Украинаны калыбына келтирүү боюнча конференция өтүп жатат Орусия Украинага чабуулун улантып, Авдеевкада фосфор снаряддарын колдонгону кабарландыТашиев Бишкекте жаңы стадион эки жылда курулуп бүтөрүн айттыКамчыбек Ташиев Кыргыз футбол союзунун президенти болуп шайландыСадыр Жапаров менен Владимир Путин Орусияда жолугушат