Экономика министринин мурдагы орун басары Элдар Абакиров менен экс-депутат Айсулуу Мамашова Жогорку Кеңештеги “Альянс” фракциясынын депутаты болуп катталып, парламент депутатынын күбөлүгү менен төш белгиси берилди. Мындай чечим Борбордук шайлоо комиссиясы (БШК) 2-февралдагы отурумунда кабыл алынды.
Алар диплом чырына байланыштуу мандатынан ажыратылган “Альянс” фракциясынын мурдагы депутаты Фарходбек Алимжановдун жана “Мамлекеттик чек арадан мыйзамсыз өтүү” беренеси менен айыпталып камакта жаткан экс-депутат Эмил Жамгырчиевдин ордуна келишти.
Боршайком ушул эле күнү өзү жазган арыздын негизинде Эмил Жамгырчиевдин депутаттык ыйгарым укуктарын мөөнөтүнөн мурда токтоткон.
43 жаштагы Элдар Абакиров Аль-Фараби атындагы Казак мамлекеттик университетин, Кыргызстан мамлекеттик юридикалык академиясын аяктаган. Эмгек жолун 1998-жылы “Казак темиржол транспорту илимий-изилдөө институту” ишканасында программист-аналитик болуп баштаган. 2019-жылы экономика министринин орун басары болгон.
36 жаштагы Айсулуу Мамашова VI чакырылышта “Ата Мекен” фракциясынан депутат болгон.
Жогорку Кеңештин депутатынын ыйгарым укугу ал парламентте ант берген күндөн тартып күчүнө кирет. (BTo)
Дагы караңыз
Былтыр чет өлкөдөн 585 кыргыз жаранынын сөөгү алып келиндиБаткенде аткезчилик менен жер семирткич алып келгендер кармалдыБоршайком депутат Эмил Жамгырчиевди мандатынан ажыраттыДепутат Орусияда аялдарды дагы согушка үгүттөп жатканын билдирдиЖЭБдеги авария: Бишкектеги 9 кичи районго жылуулук берүү токтотулдуТИМ: Орусияда соттолгон 70тен ашуун кыргызстандык мекенине которулдуБШК Эмил Жамгырчиевдин мандатын алуу маселесин карайтБишкектеги ооруканаларда пландык операциялар убактылуу токтотулганы айтылдыАлагөзов ЖЭБдеги кырсык президенттин көзөмөлүндө экенин айтты