Улуттук коопсуздук боюнча мамлекеттик комитети (УКМК) "Ак-Тилек унаа жолу" чек ара бекетинде ЕАЭБге мүчө мамлекеттерден товарларды алып келүүгө жана салык органдарында каттатууга тиешелүү документтери жок товар аныкталганын кабарлады. Атайын кызмат тараткан маалыматка караганда, "Вольво" үлгүсүндөгү автоунаадан 4 млн даана 200 куту даяр тамеки табылган.
Учурда Мамлекеттик салык кызматынын адистери менен биргеликте республикалык бюджетке келтирилген зыяндын көлөмүн тактоо, ошондой эле жогорудагы кылмышка тиешеси бар кызмат адамдарын аныктоо боюнча тиешелүү иштер жүргүзүлүп жаткандыгы айтылды.
Буга чейин УКМК кыргыз-казак чек арасындагы көзөмөл-өткөрмө бекеттеринде ишкерлерди тоноп жүргөн кылмыштуу топ аныкталганын билдирген. Мекеменин маалыматына караганда, ишкерлерден акча чогултуу боюнча туруктуу схема түзгөн деген шек менен эки киши кармалган, алар уюшкан кылмыштуу топ мүчөлөрүнүн жакын туугандары экени аныкталган. (КЕ)
Кыргыз-казак чек арасында тамекини мыйзамсыз ташуу фактысы аныкталды
УКМК тараткан сүрөт. 20-январь, 2024