Бүгүн, 20-январда "Ош" аба майданында коюу туманга байланыштуу аба каттамдары кармалууда. Бул тууралуу "Манас” аэропортунун басма сөз кызматы кабарлады. Маалыматка караганда, аэропортто эртең мененки саат 10:00дөн тартып коюу туман каптаган. Учурда тумандан улам 30-33 метрден алыс аралыктагы жер көрүнбөй калган. Аэропорт учуулардын убактысы тууралуу кошумча маалымат берилерин билдирди.
Буга чейин 16-январда дагы аба ырайына байланыштуу Бишкек-Ош жана Ош-Бишкек багыттары боюнча, Ош-Стамбул жана Стамбул-Ош багыттары боюнча авиакаттамдар токтотулганы кабарланган. Ошол маалда тумандан улам 60-70 метрден алыс жер көрүнбөй калганы айтылган.
Аба ырайы кескин өзгөрүп, туман каптаган маалда Кыргызстандагы аэропорттордо каттамдар кармалган учурлар болот. (КЕ)
