Президенттин кеңешчиси Чолпонбек Абыкеев Кыргызстанда азык-түлүк коопсуздугун көзөмөлдөгөн изилдөө институту түзүлө турганын кабарлады.
Анын сөзүнө ылайык, ал азык-түлүктүн абалын, өндүрүштү, керектөөнү, резервдерди, тамак-аш азыктарынын жеткиликтүүлүгүн изилдеп-талдоо менен алектенет жана тиешелүү сунуштар менен божомолдорду иштеп чыгат.
“Президент Садыр Нургожоевич тиешелүү тапшырманы берген. Бул маселе өкмөттө улам-улам каралып, адистер менен анын иши, мүмкүнчүлүктөрү такталат. Ушул тапта Министрлер кабинетинен талкуудан өтүп жатат”, - деди “Азаттыкка” берген комментарийинде.
Кыргызстанда өкмөткө караштуу Ветеринардык жана фитосанитардык коопсуздук боюнча мамлекеттик инспекциясы да бар.
Чолпонбек Абыкеев ветеринардык көзөмөл, Бажыдагы иш өзүнчө болуп жумуш ырааттуу болбой жатканын кошумчалады. Ушундан улам алардын башын бириктирип иштетүү зарылчылыгы пайда болгон. (BTo)
Дагы караңыз
Акылбек Жапаров сот системасына үч эсе көп каражат бөлүнгөнүн айттыБишкекте тиш догдурда чарчап калган наристе боюнча териштирүү башталдыHRW: Жоробековдун камалышы - сөз эркиндигин жана тынч чогулуу укугун чектөөОклахоманын соту 48 жылдан бери абакта отурган кишини актадыБишкекте журналист Ольга Дзюбенко дүйнөдөн кайтты