Белгилүү журналист Ольга Дзюбенко 70 жашка караган курагында дүйнөдөн кайтты.
Жакындары "Азаттыкка" маалымдашкандай, маркум акыркы убактарда ооруп жүргөн.
Дзюбенко көп жылдар бою Reuters агенттигинин Кыргызстандагы кабарчысы болуп иштеген. Кесиптештери анын 2002-жылдагы Аксы, 2005-жылдагы Март, 2010-жылкы Апрель, Июнь окуяларын жана башка маалыматтарды так, туура чагылдырууга салымы чоң болгонун белгилеп келет.
