Ирандын түштүк-чыгышындагы Систан-Белужистан провинциясындагы Раск шаарынын полиция бекетине жасалган куралдуу чабуулдан 11 офицер набыт болду.
Бул тууралуу губернатордун орун басары Алиреза Мархамати билдирип, кол салууну “теракт” деп атады. 15-декабрдын таңында Пакистан жана Ооганстан менен чектешке аймакта болгон окуяда бир нече полициячы жараат алды.
Көп өтпөй IRNA мамлекеттик маалымат агенттиги чабуул үчүн жоопкерчиликти өз мойнуна сунниттердин “Жаиш аль-Адль” (Адилеттүүлүк армиясы) тобу алганын жазды.
Аталган кыймыл буга чейин дагы Ислам революциясынын сакчылар корпусу менен кагылышып келген. 2012-жылы түзүлгөн бул уюм Иранда террордук топтордун катарына киргизилген.
23-июлда ушул эле аймакта болгон кол салуудан төрт полиция кызматкеринин өмүрү кыйылган.
Дагы караңыз
ЦАХАЛ Жениндеги аскердик операциясы жыйынтыкталганын билдирдиБишкекте Ала-Арча каналынан суу ташып, көчөлөрдү каптадыНавальный менен байланыш он күндөн бери жок