Маданият, маалымат, спорт жана жаштар саясаты министрлиги Кыргызстанда быйыл жалпыга маалымдоо каражаттары боюнча түшкөн 77 арыз боюнча түшүндүрмө берди.
Мекеменин билдирүүсүнө ылайык, “Анык эмес (жалган) маалыматтан коргоо жөнүндө” мыйзамдын негизинде министрликте 2023-жылы 20 кайрылуу каралган. Анын ичинен жети басылма арыз түшкөн маалыматты өз ыктыяры менен сайтынан алган. Маалыматтын толук эместигине байланыштуу төрт арыз каралган эмес жана тартипке ылайык толуктап иштеп чыгуу сунушу берилген. Бир арызды берген тарап чакыртып алган. Министрлик үч кайрылууну кароодон баш тарткан.
Министрликтин Facebook, Tik Tok, YouTube, Twitter, Telegram, Instagram менен кызматташуу боюнча келишими жок болгондуктан, эки кайрылуу боюнча жалган маалыматтарды өчүрүү мүмкүн эмес деген кат жөнөтүлгөн.
Үч кайрылуу боюнча kloop.kg жана nazarnews.kg сайттарынын ишин эки айга токтотуу жөнүндө чечим кабыл алынган. Министрлик nazarnews.kg боюнча чыккан чечимин кайра кайтарып алганы белгилүү болду.
“Анык эмес (жалган) маалыматтан коргоо жөнүндөгү” мыйзам 2021-жылы кабыл алынган. Жарандык коом, бир катар эл аралык уюмдар бул документ эркин маалымат каражаттарына каршы гана иштеген мыйзам экенин, сөз эркиндигине коркунуч жаратарын билдирип келишет.
Мыйзам Маданият, маалымат, спорт жана жаштар саясаты министрлигине жалган маалымат таратты деп табылган сайтты соттун чечимисиз эле эки айга жаап салууга укук берет. (BTo)
Дагы караңыз
Орус армиясы Киевге сокку урдуКоргоо министрлиги быйыл беш аскер каза болгонун билдирдиСадыр Жапаров Тажикстан менен чек ара жазга чейин такталып каларын айттыБыйыл Маданият министрлигине ЖМКлар боюнча 77 арыз түштүОш: мэрди иштен алуу демилгеcин президент Жапаров колдогон жокКазакстан жаңы 20 суу сактагыч куруу планын жарыялады“Дордой” базарында жыйымдарды чогулткан беш салык кызматкери кармалды