Татарстандын борбору Казань шаарындагы Ооганстан жөнүндөгү жыйындын соңунда кабыл алынган декларациянын айрым жоболорунан улам аны Тажистан колдогон жок. Бул тууралуу Орусиянын президентинин Ооганстан боюнча атайын өкүлү Замир Кабуловго шилтеме кылып бир катар басылмалар жазды.
Казанда 29-сентябрда учурда ооган өкмөтүн башкарып жаткан "Талибан" кыймылынын өкүлдөрү катышкан, Москва форматындагы бешинчи жыйын өткөн.
ТАСС агенттиги Кабуловго шилтеме кылып Казандагы декларацияны Тажикстандан башка катышуучулардын баары колдогонун, расмий Дүйшөмбү документтеги айрым жоболорго каршы болгонун билдирди. Бирок ал кандай жоболор экенин тактаган эмес.
Орусиялык басылмалардагы маалыматтарга караганда, жыйында Тажикстандын Тышкы иштер министрлигинин өкүлү Шараф Рахими Ооганстанда улуттук азчылыктардын укугу, этностук топтор арасында экономикалык жана саясий ресурстар тең бөлүштүрүлбөй жатканы тууралуу маселе көтөргөн. Дүйшөмбү калктын бардык тобу катышкан өкмөт түзүүнү колдорун билдирген.
Тажикстан менен Ооганстандын жалпы 1300дөн ашык чакырымды түзгөн чек арасы бар. Өткөн айдын башында Тоолуу-Бадахшан автоном облусунун бийлиги эки өлкөнүн чек арасындагы базарлар ишин жандантканын билдирген.
"Талибан" Ооганстанда бийликти 2021-жылы августта басып алгандан бери Дүйшөмбү ооган аймагындагы тажик жоочулары тууралуу камтамачылык билдирип келет.
Өлкөнүн атайын кызматы 5-сентябрда эл аралык террорчул уюмдун үч согушкери 30-августка караган түнү чек арадан Тажикстанга мыйзамсыз өтүп келгенин, ок атышууда баары жок кылынганын кабарлаган.
Тажикстан менен Кабулдун жаңы башкаруучуларынын дипломаттык катышы жок. Тажик президенти Эмомали Рахмон баштаган бир катар жетекчилер "Талибан" кыймылын көп жолу сындаган.
Дагы караңыз
Ысык-Көлдө күчү очогунда 4,5 баллга жеткен жер титирөө болду “Кыргыз темир жолу”: Бээжинде темир жол куруу долбоору талкууланат АКШ: Өкүлдөр палатасы убактылуу, 45 күндүк бюджетти жактырды Акылбек Жапаров "Кыргызкөмүрдүн" маселелерин чечүүнү тапшырды Армения Азербайжанга каршы БУУнун эл аралык сотуна арыз бердиТөрөбаев үч өлкөнүн темир жол куруу долбоору токтобогонун айттыУкраинадагы согушта өлгөн 33 миң орусиялык жоокердин тек-жайы такталды Өкмөт 2024-жылы ички дүң өнүм 1,5 трлн сомдой болот деп болжоп жатат