Владимир Зеленский Донецкидеги аскер бригадаларынан кабар алды

Украинанын президенти Владимир Зеленский 14-августта Донецк облусунда согушуп жаткан Куралдуу күчтөрдүн бригадаларынан кабар алды.

Ал Телеграм-каналына "Соледар" ыкчам-тактикалык тобуна караштуу аймакта болгонун жазды.

Украин президентинин басма сөз кызматы Зеленский соңку кырдаал тууралуу ыкчам маалыматтарды угуп, аскерлер менен көйгөйлүү маселерди талкуулаганын жазды. Ага ылайык, жолугушууларда курал-жарак, ок-дары таңкыстыгы, абадан коргонуу системаларына жана дрондорго болгон зарылдык тууралуу сөз болгон.

"Мен күн сайын жалпы маалыматты алып турам жана ал кырдаалды кеңири түшүнүүгө мүмкүндүк берет, бул өтө маанилүү. Мен ошону менен катар эле ар бир бригаданы кыдырып, ар биринин муктаждыгын билгим келет. Бул ачык баарлашуу, бардык маселени талкууласа болот", - деди Зеленский.

Ал ошондой эле Бахмут багытындагы согушта эрдик көрсөткөн жоокерлерди сыйлады.

Буга чейин Зеленский фронтто май айында болгон. Анда Куралдуу күчтөрдүн Марьинка жана Угледар багытында согушуп жаткан бригадаларды кыдырган.

Дагы караңыз

Гавайи: Мауи аралында өрттөн каза тапкан адамдардын саны 96га жетти Балдардын маалымат коопсуздугу жаатындагы мыйзамдар өзгөрдү Министрлик эмделбеген эки бала кызылчадан көз жумганын ырастады Бишкекте курулуш материалдары сатылган үч дүкөн өрттөнүп кеттиУКМК Равшан Жээнбековдун жубайы жөнүндө дагы түшүндүрмө таратты "Кыргызфармация": онкологиялык ооруларга 227 млн сомдук дары алындыКанимет Осмонбеков Лейлек районунун акими болуп дайындалды