Бүгүн, 7-августта борбордогу “Манас” кинотеатрында Кыргыз Республикасынын эгемендик күнүнө карата жана ойчул, жазгыч акын Молдо Нияз Эрназар уулунун 200 жылдыгына арналган XVI эл аралык айтыштын тандоо туру өттү. Ага өлкө боюнча 37 акын катышып, 8 акын кийинки баскычка жолдомо алышты. Алар: Азамат Болгонбаев, Баян Акматов, Акматбек Султан уулу, Чыңгызхан Кожошев, Изат Айдаркулова, Асылбек Маратов, Кубат Тукешов жана Кутман Садыбакасов.
Тандоодон өткөн төкмөлөр 30-31-августта Ош шаарындагы Султан Ибраимов атындагы Ош улуттук драма театрында саат 18:00дө Казакстан, Өзбекстан, Монголиядан келген төкмө акындар менен айтыш курушат.
XVI эл аралык айтышты Маданият, маалымат, спорт жана жаштар саясаты министрлиги, Улуттук “Манас” театры, Президенттин Баткен жана Ош облусундагы өкүлчүлүктөрү, “Айтыш” коомдук фонду жана “Молдо Нияз мурастары” коомдук фонду биргеликте уюштурууда. Айтыштын байге фонду 3 миллион сом. (MZh)
Дагы караңыз
Болот Абдрахманов "Ата-Бейит" комплексине жетекчи болдуБеларус оппозициясы Варшавада "Жаңы Беларустун" паспортун көрсөттүКыргызстан кара металл экспортуна киргизилген чектөөнү узарттыОрус армиясынын Херсонду аткылоосунан бир аял мерт кеттиАба ырайы: айрым жерлерде өткүн өтөтЖидда: Украинага тынчтык орнотуу жаатында кеңешүү уланат