Украинанын Киев шаарындагы кыргызстандыктар элчилик уюштурган автобустар менен Венгрияга чыгарыла баштады. Бул тууралуу Киевдеги кыргыз диаспорасынын жетекчиси Азамат Исмаилов "Азаттыкка" билдирди.
"Коменданттык саат бүттү, азыр чыгып кетчүлөр кетип жатат. Биздин элчилик уюштурган автобус Венгрияга чыкканы жатат. Калгандары кийинки автобусту күтүшөт. Негизи кетем деген 150 киши бар. Бирок автобуска бата турганы кетет", - деди Исмаилов.
Анын айтымында, автобусту элчиликтин кызматкерлери коштоп жүрөт.
Буга чейин Кыргызстандын Украинадагы элчиси Идрис Кадыркулов Киевде коменданттык саат киргендигине байланыштуу, эвакуация иштери 28-февралда башталарын билдирген.
Украинанын үч шаарында (Киев, Харьков, Одесса, Львов) кыргызстандык жарандарды убактылуу кабыл алчу жай ачылган.
Кыргызстандыктар Украинанын батышындагы Польша, Румыния, Словакия жана Венгрия аркылуу эвакуацияланууда.
Дагы караңыз
Бейтапка байланган бизнес, аткезчилик аралашкан ооруканаБалбан Алмаз Сманбеков Түркиядагы мелдеште алтын байге алды"Нур ТВнын" операторунун сабалышын милиция териштирүүдөОрусия элчилигинин алдында Украинаны колдогон акция өтүүдө