Кыргызстандын жана Тажикстандын тышкы иштер министрлери Жээнбек Кулубаев менен Сирожиддин Мухриддин 23-сентябрда Нью-Йоркто Бириккен Улуттар Уюмунун башкы катчысынын саясий жана тынчтык орнотуу маселелери боюнча орун басары Розмари Дикарлонун катышуусунда жолугушуу өткөрүшкөнүн Кыргызстандын тышкы саясий мекемеси билдирди.
Маалыматта айтылгандай, жолугушууда кыргыз-тажик чек арасындагы кырдаал тууралуу сөз болуп, тараптар маселени мындан ары тынчтык жолу менен чечүүгө даярдыгын билдиришти.
Сүйлөшүүгө катышкандар быйыл 19-сентябрда кыргыз-тажик чек арасындагы куралдуу кагылышты жөнгө салуу боюнча кабыл алынган протоколдун алкагындагы макулдашууларды аткаруунун маанилүүлүгүн белгилешти.
Баткенде чек арадагы каргашада талкаланган үйлөрдүн ордуна ар бири 100 чарчы метрлик үйлөр салына турганын мамлекет башчынын администрациясынын президенттин жана өкмөттүн чечимдерин даярдоо боюнча башкармалыгынын башчысы Айбек Жунушалиев билдирди. Бул тууралуу маалымат 23-сентябрда Баткендеги окуяга байланыштуу түзүлгөн медиа-штабдын Телеграмдагы баракчасына жарыяланды.
Улуттук коопсуздук мамлекеттик комитетинин Чек ара кызматы Баткен районундагы тажик тараптын аткылоосуна кабылган "Тамдык" чек ара бекети Кыргызстандын көзөмөлүндө экенин билдирди. Бул тууралуу аталган мекеме 23-сентябрда маалымат таратты.
Анда 16-сентябрда чек арадагы куралдуу кагылышууда тажик тарап "Тамдык" чек ара тозотун артиллериялык куралдар менен аткылаганы, алар сан жагынан көп болгону айтылат.
"Кыргызстандагы тажиктер" коомдук бирикмесинин биринчи вице-президенти Мавлянжан Абдураззаков Тажикстандын Тышкы иштер министрлигинин "Кыргызстанда этникалык тажиктер кысымга кабылууда" деген маалыматын төгүндөдү.
