Спорт каарманы: Көзү азиздерди шыктандырган Гүлназ

“Азаттык” радиосу “Спорт: Кыйынчылыкты жеңген кыраандар” деген сынагына көрсөтүлгөн талапкерлер менен тааныштырууну улантат. Алардын бири Кыргызстандагы Көзү азиздер федерациясынын негиздөөчүсү, паралимпиаданын катышуучусу Гүлназ Жүзбаева. Жүзбаеваны Би-Би-С дүйнөлүк кызматы 2020-жылдагы эң таасирдүү жана үмүт жараткан 100 айымдын катарына кошкон. “Азаттык” буга чейин Гүлназ Жүзбаева тууралуу Парижде атайын көрсөтүү тарткан.