"Азаттыктын" Бишкек бюросунун видео-журналисти, фотограф. 2015-жылы Кыргыз-Түрк “Манас” университетинин коммуникация факультетин аяктаган.
Орус атуулдугунан кол жууган ондогон мигранттын арасында кыргызстандыктар да бар. Жаңы талаптардын максаты эмне? Орусия муну менен мигранттарды Украинадагы согушка салууну көздөйбү? Мындай чектөөлөрдүн кесепеттери кандай болушу мүмкүн?
Орусия Курск облусунан украин күчтөрүн сүрүп чыгарууга түндүк кореялык аскерлерди салып жатканы кабарланды. Москва эмне себептен чет элдик контингентти согушка салууга мажбур болду? Түндүк Кореянын кызыкчылыгы кандай? Бул Украинадагы уруштун нугун канчалык өзгөртө алат?
Америкалыктардын тандоосуна кандай факторлор таасир этти? Бул жолку шайлоо эмнеси менен өзгөчөлөндү? Эми өлкөнү жана дүйнөнү кандай өзгөрүүлөр күтүшү мүмкүн? Трамптын мыйзамсыз миграция менен күрөшүү убадасы АКШга агылган мигранттарды, анын арасында кыргызстандыктарды канчалык түйшөлтөт?
Түндүк Кореядан келген жоокерлер орусча 100дөй аскердик терминди үйрөнгөн соң Украинадагы согушка жөнөтүлүшү мүмкүн. Бул тууралуу 29-октябрда Сеулдун расмий адамдары чалгын кызматынын маалыматына таянып билдирди. Пентагондун эсебинде Орусиянын чыгышында 10 миңдей корей аскери машыгуудан өтүп жатат.
“Азаттык” Орусиянын Украинадагы согушунда теги кыргызстандык 51 киши набыт болгонун аныктады. Алардын 25и Кыргызстандын гана жараны. Айрымдарынын колунда эки өлкөнүн тең паспорту болсо, кайсы бири кийинчерээк толук орус жарандыгына өткөн. Украинадагы согушта каза тапкан кыргызстандыктар кимдер?
Орусияда түрмөдө жазасын өтөп жаткан бир кыргыз жараны соттолгондордун көбү абактагы мамилеге чыдабай согушка кетип жатканын “Азаттыкка” айтып берди. Мигранттар менен иштеген юрист түрмөдө аскердик келишимге кол коюудан баш тарткандар муздак камераларда камалып, тамак-аштан кыйнала турганын айтты.
Израил Газадагы жана Ливандын чектеш тилкесиндеги чабуулдарын улантууда. Соңку суткада дагы ондогон киши каза болду. БУУнун Коопсуздук Кеңеши Израилдин Ливандагы бейкуттук күчтөрүн убактылуу чыгарып кетүү тууралуу өтүнүчүн четке какты.
Казакстан Борбор Азиядагы алгачкы АЭС курууга дагы бир кадам жакындады. Өзбекстан да Орусия менен чогуу чакан АЭС курууну көздөп жатат. Кыргыз өкмөтүнүн өкүлдөрү АЭС куруу үчүн коомчулукта түшүндүрүү иштерин баштаганын билдирди. Эмне себептен Орусия регионго АЭС курууга кызыкдар?
"Азаттык" Украинадагы согушка кеткен бир нече каармандын кайгылуу окуясын баяндоо менен Орусиянын түрмөлөрүндө мигранттарды кан күйгөн кармашка айдоо дагы эле уланып жатканын көрсөтөт. Белгилүү себептерден улам берүүдө сүйлөгөн каармандардын жүзүн жаап, атын өзгөртүп беребиз.
Газада согуш токтобой жаткан маалда жаралган чыңалуу Жакынкы Чыгышта чоң жаңжалга жол ачпайбы? Эми Израилдин кийинки кадамы, ага каршы турган иранчыл жоочулардын жообу кандай болот? Кыргыз бийлиги өз жарандарын Израил менен Ливанга убактылуу барбай турууга чакырды.
Кыргызстан үч жыл мурда Ооганстанда бийликти басып алган “Талибан” кыймылын террордук жана экстремисттик уюмдардын тизмесинен чыгарды. Ага чейин Казакстан да ушундай эле чечим кабыл алган.
Европа өлкөлөрү кандай адистиктеги мигранттарга муктаж? Борбор Азия жумушчу күчүн Европага жөнөтө алабы? Бул сыяктуу маселелер 14-сентябрда Прагадагы “Борбор Азия форумунда” талкууланды.
Париж паралимпиадасына Борбор Азиядан ондогон спортчу катышып, алтын медал тагынгандар бар. Параолимпиада - алардын көптөн күткөн кыялы. “Азаттык” олимп кыштагында толгон-токой кыйынчылыктан өтүп, кыялына жеткен Кыргызстандан, Казакстандан жана Өзбекстандан келген үч спортчу тууралуу айтып берет.
Париж шаарында өтүп жаткан Паралимпиадада кыргызстандык спортчулар Айтунук Жоомарт кызы жана Гүлназ Жүзбаева мелдешти жыйынтыктады. Дзюдочу Маматибраим Суранов 6-сентябрда таймашка катышат. Пауэрлифтингден Миргүл Болоталиева 8-сентябрда күч сынашат.
Телеграмдын түптөөчүсү Павел Дуровдун Францияда кармалышы сөз эркиндигин коргоону жана онлайн мазмунду тескөө зарылдыгын жактагандардын тирешин күчөттү. Дүйнөдөгү эң популярдуу платформалардын биринин ишмердиги канадй болот?
Орусияда Мамлекеттик дума мигранттарга каршы мыйзамды кабыл алды. Эми полиция чет элдик жарандарды соттун чечими жок депортациялайт. Ал арада Украинадагы согушка орус жарандыгын алган мигранттарды жиберүү дагы бир ирет сунушталды.
Кошмо Штаттарда президенттик шайлоого 4 айга жетпеген убакыт калганда демократтар оңой эмес абалга кептелгендей. 27-июндагы дебаттан кийин 81 жаштагы президент Жо Байден жарышта калууга тийишпи же башка партиялашына орун бошотушу керекпи деген талаш күчөдү.
Шереметьеводо кармалган, Москвага жетип-жетпей артка кайтарылган мигранттар. Токтобогон рейддер, рублдун курсундагы олку-солку кырдаал. Мигранттарды депортациялоо үчүн полицияга берилүүчү укук. Орусия эмгек мигранттары үчүн кооптуу өлкөгө айландыбы?
Борбордук Европада жайгашкан Польшанын парламентинде кыргызстандык Максат Тургуналиев алты жылдан бери эмгектенет. Ал иштешкен сенатор Ян Филипп Либицкий былтыр күзүндө төртүнчү жолу Сенатка мүчө болуп келди.
Тогуз айга аяк баскан Газадагы согушта күн сайын жайкын тургундар ажал табууда. Газада кырдаал кандай? Эмне себептен согуш токтобой жатат? Канткенде кан төгүүгө, азап чегүүгө чекит койсо болот?
Дагы жүктөңүз
