Грузия: Президент жана оппозиция элди өз укугун коргоого үндөдү

Грузияда 2012-жылдан бери өлкөнү башкарган "Грузин кыялы" партиясы жекшембиде өткөн парламенттик шайлоодо 54% добуш алды. Оппозициялык төрт саясий күч 5% босогодон өттү. Грузин оппозициясы "добуштар уурдалганын" билдирип, нааразылык акцияларын баштай турганын жарыялады. Президент Зурабишвили шайлоонун жыйынтыгын тааныбай турганын айтып, элди өз укугун коргоого үндөдү. Шайлоого көз салган байкоочулар одоно мыйзам бузуулар катталып, купуя добуш берүү принциптери сакталбаганын белгилешти.