Арменияда премьер Пашиняндын кызматтан кетүүсүн талап кылгандардын акциясында 200дөн ашуун киши кармалды. Демонстрациянын башында турган чиркөө өкүлү Баграт Галстанян өкмөт башчылыкка баруу ниетин билдирди. Жогорку Кеңештин депутаты, “Элдик” депутаттык тобунун төрагасы Акылбек Түмөнбаев Сооронбай Жээнбековду экс-президент макамынан ажыратуу боюнча парламентте кол топтоо аяктап калганын билдирди. Кыргызстанда уран жана торий кендерин иштетүүгө уруксат берүү боюнча өкмөт сунуштаган мыйзам долбоору парламенттин тармактык комитетинен өттү. Дагы бир комитет документти 29-майда карайт. Газанын Рафах шаарында жекшемби күнкү аба соккудан бери дегенде 35 киши мерт болду.