Мурдагы күйөөсү кулак-мурдун кесип салган Асел Ногойбаева ооруканадан үйүнө чыгып келди. Үрөй учуруп, коомчулукту нес кылган ошол окуядан 20 күндөн кийин гана Асел эми өзүнө келип, зомбулукка туш болгон учурларды айтып берүүгө макул болду. 36 жаштагы Асел зомбулукка кабылып, укук коргоо органдарына арыз артынан арыз жазып, бирок аягында эмнеге коргоосуз калды? Коомчулук, сот, укук коргоо тармагы үй-бүлө зомбулугуна эмнеге олуттуу маани бербейт? Кылмышка шектүү тууралуу эмне белгилүү? Ал кандай шартта пробация колдонулуп, абактан бошоп кеткен? "Азаттык" ушул суроолорго жооп алууга аракет кылды.
