Сейсмология институтунун маалыматына ылайык, 9-сентябрда саат 02:29да Баткен облусунда очогунда күчү 4,5 баллга жеткен жер титирөө катталды. Бул тууралуу аталган институттун маалыматына таянып Өзгөчө кырдаалдар министрлиги билдирди.
Жер титирөө Лейлек районунун Жаңы-Турмуш, Катраң айылдарында төрт балл, Лейлек, Тогуз-Булак, Маданият айылдарында 3,5 балл, Сүлүктү шаарында 3 баллга чейин сезилген.
Жер титирөөдөн жабыркагандар жана кыйроолор катталган жок.
Өткөн айларда күчү 3,5 баллга жеткен жер титирөө Ысык-Көл облусунда, Оштун Чоң-Алай, Алай райондорунда, Жалал-Абаддын бир катар аймактарында катталган. (КЕ)
