Бишкекте футбол боюнча Азия кубогуна тандоо оюндарынын алкагында Тажикстандын курама командасы Мьянманы 4:0 эсебинде утту.
Алгачкы голду 9-мүнөттө Тажикстан курама командасынын жарым коргоочусу Шервони Мабатшоев киргизди. 53-мүнөттө башкы калыс Тажикстандын чабуулчусун буттан чалганы үчүн мяньмалык Зав Йед Тунга кызыл айып кагазын көрсөтүп, оюндан четтетти. Мындан үч мүнөт өтпөй кайра эреже бузганы үчүн Мьянмага каршы пенальти берилип, Манучехр Жалилов 2-голду киргизди.
58-мүнөттө Бабадшоев 3-голду баш менен сүзүп киргизип, эсеп 3:0 болду.
84-мүнөттө кайрадан эле тажикстандык жарым коргоочу Эхсони Панджшанбе дарбазага 20 метрдей аралыктан тээп, эсепти 4:0 кылды.
Бишкекте футбол боюнча Азия кубогуна тандоо оюндарында Кыргызстан менен Сингапур беттеши башталууда. Дөлөн Өмүрзаков атындагы стадионго күйөрмандар агылып кирүүдө.
Сингапур менен Кыргызстандын улуттук курама командасынын старттык курамы.