Айзаданын өлүмү: жоопкерчилик кимде?

Бишкектеги көчөлөрдүн биринен 5-апрелде уурдалган 27 жаштагы Айзада Канатбекованын сөөгү 7-апрелде табылды. Бишкек шаардык милициясы аны уурдоого шектелген 31 жаштагы Замирбек Теңизбаев кызды муунтуп өлтүрүп, андан кийин өзүнө бычак сайып каза болгонун билдирди. Айзада ала качуунун курмандыгы болгон Бурулайдан кийинки экинчи кыз болуп калды.