Зомбулукка каршы акция: министрге сын

Бүгүн, 10-мартта Бишкекте 8-марттагы аялдардын жүрүшүндөгү окуяга нааразы болгон жүздөгөн киши акция уюштурушту. Алар бийликтен Баш мыйзамда кепилденген адам укугун сактоону, 8-марттагы тынч акциянын катышуучуларына чабуул жасагандарды жазалоону талап кылышты. Экс-президент Роза Отунбаева баш болгон белгилүү укук коргоочулар, активисттер катышкан иш-чарада ички иштер министрин кызматтан алуу талабы дагы айтылды.