Чек ара чыры: Максаттыктардын көзү менен
16-сентябрда кечке маал Баткен облусунун Лейлек районундагы Максат айылына жакын жерде атышуу болгон. Андан 41 жаштагы бир кыргыз чек арачысы курман болуп, эки тараптан 20дан ашык адам жаракат алган. Кыргызстандын Мамлекеттик чек ара кызматы жарадарлардын жетөө аскер адамдары, ал эми алты адам Лейлектеги Максат айылынын тургундары экенин билдирген. Максат айылынын тургундары окуя кандай болгонун "Азаттыкка" айтып беришти.
