Пластикалык хирургияны кимдер жасатат?

Акыркы кезде Кыргызстанда да денесинин ар кайсы жерине пластикалык операция жасаткан адамдар көбөйдү. Эл арасында операциядан кийин өмүрүнө жана ден соолугуна залал келтирип алды деген маалыматтар айтылганы менен өлүмгө жеткирген учурлар тууралуу жалпыга маалымдоо каражаттары жаза элек. Анткен менен операция жасатууга кандай зарылдык түрткү берет? Бул көрүнүш жөн эле модага айланган жокпу? Операция жасатуудан мурун ден соолугу кандай болуш керек деген суроолор ар дайым күн тартибинде турат. “Азаттыктын” ушул багыттагы суроолоруна "Сагынбаеванын клиникасы" аттуу медициналык борбордун жетекчиси Айнура Сагынбаева жооп берди.