Данияр Сыдыковду президенттик аппараттын тышкы саясат бөлүмүнүн башчысы кызматына дайындоо тууралуу жарлыкка мамлекет башчы Сооронбай Жээнбеков кол койду. Бул тууралуу президенттик аппараттын маалыматтык саясат бөлүмү 5-мартта билдирди.
Сыдыков 2016-жылдын июлунан бери Кыргызстандын Өзбекстандагы элчиси болуп иштеп келген.
Президенттик аппараттын тышкы саясат бөлүмүнүн мурдагы жетекчиси Айзада Субакожоева февралдын аягында Шанхай Кызматташтык Уюмунун (ШКУ) баш катчысынын орун басары болуп дайындалган. Ошондон бери бул кызмат орду бош турган. (NT)
