18-февралда Израилдин Рафах шаарчасынын чыгышында танкчылар ок чыгарып, 17 жаштагы эки палестиналыкты өлтүргөн. Израил аскерлери палестиналыктар эскертүүгө карабай чек арага жакындагандыктан ок атышканын билдиришти.
18-февралга караган түнү Израил Газа тилкесинде "Хамастын" жана “Ислам мамлекети” террордук тобунун согушкерлерине бир нече жолу чабуул жасаган. Ага чейин палестиналыктар жардыруу уюштуруп, төрт Израил аскери жарадар болгон эле.
Германиянын Мюнхен шаарында өтүп жаткан коопсуздук конференциясында Израилдин өкмөт башчысы Биньямин Нетаньяху Газа тилкесиндеги окуяны өтө олуттуу деп сыпаттап, тез арада жооп кайтарышарын эскерткен. (BCh)
