Жаңы жылга карата “Ала-Тоо” аянтына тургузулган башкы балатынын чырактары бүгүн жанат. Бул тууралуу “Азаттык” радиосуна Бишкек мэриясынын маалымат кызматы кабарлады. Балатынын бийиктиги – 25 метр.
Мэриядан кабарлашкандай, быйыл Жаңы жыл майрамдары үчүн “Ала-Тоо” аянтын жасалгалоо, майрамдык иш-чараларды уюштурууга 3,5 млн. сомго жакын каражат сарпталат.
Шаар бийлиги мекемелер арасында эң мыкты жаңы жылдык жасалга боюнча сынак да жарыялаган. Ошондой эле майрамдык балатылар ар бир облустун жана райондун борборунда орнотулат. (КE)
