Кыргызстанда жаңы кызматка киришкен президент Сооронбай Жээнбеков өлкөнү 2018-2040-жылдар аралыгында өнүктүрүү стратегиясын жазга чейин иштеп чыгып, бүтүрүү керектигин эскертти. Бул тууралуу 24-ноябрда инаугурациядан соң Президенттик аппаратта өткөргөн биринчи кеңешмеде билдирип, стратегия боюнча пландар 2018-жылдын 15-февралына чейин иштелип чыгышы керектигин белгиледи.
Мамлекет башчынын басма сөз кызматы билдиргендей, Жээнбеков коррупция менен күрөштүн негизги багыттарын аныктоо боюна Коопсуздук кеңешинин отурумун өткөрүүгө тапшырма берди.
Өлкөнү 2040-жылга чейинки өнүктүрүү стратегиясы тууралуу экс-президент Алмазбек Атамбаев быйыл жыл башында айткан.
Сооронбай Жээнбенков мамлекет башчылыкка 24-ноябрда расмий киришти. (SE)
