Активисттер мөңгүлөрдү сактай албады

Жогорку Кеңеш Суу кодексине өзгөртүү киргизүү боюнча мыйзам долбоорун 3-окууда колдоду. Жыйынга катышкан 85 депутаттын 63ү макул, 22си каршы добуш берди. Эми "Кумтөр" ишканасы Давыдов жана Лысый мөңгүлөрүн башка жакка жылдырууга укук алды. 14-ноябрда вице-премьер-министр Дүйшөнбек Зилалиев баштаган 50дөй киши Кумтөр кенине барып, мөңгүлөрдүн абалы менен жеринен таанышкан. Алар менен Жогорку Кеңештин алты депутаты, өкмөт мүчөлөрү, жарандык активисттер жана журналисттер да барган.