Украинанын Орусия көзөмөлдөгөн Крым аймагындагы прокурорлор крым татарларынын белгилүү лидери Ахтем Чийгозду 8 жылга эркинен ажыратууну соттон өтүнүштү. Прокурорлор мындай сунушун Симферополдо 7-августта өткөн соттук териштирүүдө айтышты.
52 жаштагы Чийгоз - Орусия Крым жарым аралын аннексиялагандан кийин тыюу салган крым татарларынын мажлисинин лидери.
Ал 2014-жылы февраль айында Симферополдо мыйзамсыз нааразылык акциясын уюштурду деп айыпталып, 2015-жылдын башынан бери камакта жатат. Жактоочулар нааразылык акциясы Крымдын аннексиясына чейин уюштурулганын, ал мезгилде Украинанын бир дагы мыйзамы бузулбаганын билдиришүүдө.
