Орусия парламенти Евразия экономикалык биримдигин бекемдөө үчүн мындан ары да бардык аракетин уланта берет. Бул тууралуу бүгүн Ысык-Көлдө Жогорку Кеңеш төрагасы Чыныбай Турсунбеков менен жолугушууда Орусиянын Федералдык Жыйынынын Федерация Кеңешинин төрайымы Валентина Матвиенко билдирди.
Жолугушууда ЕАЭБ алкагында товар алмашуунун көлөмү өсүп, кыргызстандыктардын Орусияда жүрүү шарттары жеңилдеп жатканы айтылды.
Матвиенко Кыргызстанга кечээ кечинде келип, Бишкекте президент Алмазбек Атамбаев менен жолуккан.
Бүгүн ал Ысык-Көл жээгинде КМШнын парламент аралык уюму уюштурган "Шериктештик балдары" эл аралык билим берүү-маданий форумунун катышуучулары менен жолугушуу өткөрдү.
Армения, Беларус, Казакстан, Орусия бажы зонасы - Евразия экономикалык биримдигине Кыргызстан эки жыл мурда кошулган. (RK)
