Нарын: көздөн учкан көпүрө

Кыштай жааган кар эрип, суу кирген сайын Ат-Башы районунун Казыбек айылынын эли көпүрөнүн азабын тартып жатышат. Мал-жанга коркунуч келип, балдар мектепке бара албай, тиричилигибиз өтпөй калды деген жүздөй тургун былтыр суу алып кеткен көпүрөнү калыбына келтирип берүүнү сурап, айыл өкмөтүнө барышты. Жергиликтүү бийлик болсо көпүрө салуу келерки жылга пландалып жатканын айтып, суунун тартылышын күтүүнү сунуштады.