Ленин райондук милициясынын кызматкери пара алганына айыпталып кармалды. Улуттук коопсуздук боюнча мамлекеттик комитет Ички иштер министрлиги менен чогуу 6-апрелде участкалык инспекторду кармады. Бул иш Башкы прокуратуранын козгогон кылмыш ишинин негизинде жүргүзүлгөн.
Учурда иликтөө иштери жүрүп жатканын УКМКнын басма сөз кызматы маалымдады.
6-апрелде Бишкектеги Ош базары тарапта Ленин райондук милициясынын кызматкери пара алып жаткан жеринен кармалганын айрым маалымат каражаттары жазып чыгышкан. (ZKo)
