Таласта заман талабына ылайык мейманканалар курулбай жатышы бүгүнкү талкуунун негизги темасы болду.
"Айылдык мейман үйлөрү" деп аталган туризмге багытталган тегерек столго катышкан экс-президент Роза Отунбаева Таласка конок катары келип, түнөп кеткенге ылайыктуу жай табууга мүмкүн эместигине токтолду. Мындан улам облуста талаптарга жооп берген мейманканаларды куруу керек экени айтылды.
Туристтер Талас облусуна "Манастын күмбөзү", Чыңгыз Айтматовдун туулган жерин жана "Беш-Таш" улуттук сейил багын көрүү үчүн гана келет. 2016-жылы облустагы “Манас ордо” тарыхый комплексине келген адамдардын саны 118 миңге жеткен. (AlS)
