Президенттин Жогорку Кеңештеги өкүлү Молдакун Абдылдаев депутаттардын алдында мамлекет башчы Алмазбек Атамбаевдин 6-мартта парламент тууралуу айткан сөзүн дагы бир сыйра окуп берип, президенттин сөзүн комментарийлөөнүн кереги жок деп билдирди. Ал ошондой эле "Ата Мекен" фракциясынын мүчөсү Наталья Никитенкого кайрылып, парламентти саясий аянтчага айлантпоого чакырды:
- Бир партия, анын мүчөлөрүнүн иши тууралуу сентябрь айынан бери эле маалымат каражаттарында да көп сөздөр айтылып, жазылып жүрөт. Ошондуктан, парламентти бир партиянын пайдасына, саясий аянтчага айлантуунун кереги жок.
"Ата Мекен" фракциясынын мүчөсү Наталья Никитенко бүгүнкү отурумда өлкөдө демократия орношу үчүн күчтүү парламент болушу керектигин айткан.(ZKo)
