Үч балалуу кыргызстандык аял Бириккен араб эмирликтеринин Дубай шаарына түнкү клубдарга бийлегени барып, сексуалдык кулчулукка кабылды. Бул тууралуу “Азаттыкка” анын апасы Анара Кыдыкова билдирди:
- Жакшы эле жеттим деген. Анан кечинде бийчи катары чыгайын десе эле ал жакта чакырган кыз сойку болуп иштейсиң деп экөө уруша кетишиптир.
Кыдыкованын айтуусунда, кызы аны менен бир ирет байланышка чыгып, кулчулукта жатканын айтып, андан кийин телефон чалган эмес. Ал эми акыйкатчы Кубат Оторбаев бул иш боюнча “Азаттыкка” мына буларды билдирди:
- Акыйкатчы институтуна Чүй облусунун тургуну Анара Кыдыкова кайрылып, кызы Дубайга бала багуучу болуп иштегени барып, бирок эл аралык адам соодалаган кылмыштуу топтордун колуна түшүп калганын айтып кайрылды. (BCh)
