АКШ Марс планетасына адамды жөнөтүп, анын кайра Жерге коопсуз кайтуусун камсыз кылуунун үстүндө иштөөдө. Космосту өздөштүрүүдөгү кийинки кадам ушулар экенин Кошмо Штаттардын президенти Барак Обама CNN телеканалына билдирди.
Ошону менен катар, президенттин айтымында, адамдын Марста көбүрөөк убакыт болушуна шарт түзүүчү изилдөөлөр жүргүзүлөт.
Бул үчүн мамлекеттин гана эмес жеке компаниялардын да жардамы керек болору айтылды.
Америкалык коммерциялык компаниялар келерки эки жыл аралыгында Эл аралык космостук станцияга астронавттарды жөнөтүүнү пландоодо. (RK)
