Республикалык “Ден-соолукту чыңдоо борборунун” адистери ушул күндөрү өлкө аймагында “Кан басымыңды билип ал” деген акысыз акция өткөрүп жатышат. Саламаттыкты сактоо министрлигинин буйругунун негизинде уюштурулган өнөктүк 19-сентябрдан 30-сентябрга чейин уланат. Аталган борбордун адиси Улукбү Эргешова “Азаттык” радиосуна билдиргендей, акция район-шаарлардагы эл көп чогулган жерлерде өтүүдө:
- Базарларда, мечиттерде пункттарды ачканбыз. Адамдар кан басымын өлчөтүп, дарыгерлерден кеңеш алып кетишсе болот.
Иликтөөлөргө караганда, Кыргызстанда жашоочулардын басымдуу бөлүгү кан басымдын төмөндүгүнөн же жогорулугунан жабыркашат. (SE)
