Бул тууралуу Акыйкатчынын аппаратынан кабарлашты. Маалыматка ылайык, акыйкатчы Кубат Оторбаевдин дарегине Бишкектин тургунунан арыз түшкөн. Анда борбордогу №64 мектеп гимназиянын мугалимдеринин басмырлоосунан улам окуучу кыз өзүн-өзү өлтүрүүгө аракет кылганы айтылган.
Аталган окуучуну гимназиянын үч мугалими башка окуучулардын көзүнчө айылдан келгени үчүн кемсинтип, чейрек үчүн эки коерун айтып коркутушкан. Катуу ыза болгон окуучу өзүн-өзү өлтүрүүгө аракет кылган. Аталган кыз катуу жаракат алып, учурда ооруканада дарыланууда.
Аталган арызды акыйкатчы жеке көзөмөлүнө алып, иликтөө иштери башталды.(BkA)
