Окуя бүгүн таңда Бавария аймагындагы Графинг шаарынын темир жол вокзалында болгон. Бычак менен куралданган адам темир жол бекетинен кеминде эки жүргүнчүнү, анын жанынан велосипедчен жүргөн эки адамды сайууга жетишкен. Бычак жегендердин бири алган жараатынан ооруканада каза тапты.
Полиция кылмышка шектүү катары 27 жаштагы жигитти темир жол бекетинен эле кармоого үлгүргөн.
Окуянын күбөлөрүнүн айтымында, ал кол салуу учурунда “Аллах акбар” деп кыйкырган.
Полиция кылмыштын чоо-жайы ушу тапта иликтенип жатканын билдирүүдө. (UE)
