Түндүк Кореянын башчысы Ким Чен Ын ядролук куралды өз өлкөсүн коргоо үчүн гана биринчи болуп колдонорун билдирди. Ын 8-майда сүйлөп жатып “душмандашкан” өлкөлөр менен мамилени оңдоого даяр экенин айтты. Ал Түштүк Кореяны сүйлөшүүгө чакырып, АКШга эки өлкөнүн мамилесине кийлигишпөөнү эскертти. Ким Чен мындай билдирүүлөрдү Пхеньянда ачылган Эмгек партиясынын съезддинде билдирди. Партиянын курултайы 40 жылдан бери алгач ирет өтүп жатат.
