Жакырчылык кылмышпы?

"Дордой" базарында көптөгөн өспүрүмдөр иштеп, ата-энесине жардам берет. Биздин каарманыбыз Азиз (аты өзгөрдү) алардын бири болчу. Ал мектепке барганга жол киреси жок, акча табам деп базарда зым чогултуп иштеп жүргөн жеринен социалдык кызматкерлерге жолуккан. Алар бул үй-бүлө начар жашайт деген негизде кийин Азизди иниси экөөн “Учкун” балдар үйүнө өткөрүп беришкен. Бул жайга келгенине бир ай болгондон кийин Азизге кургак учук диагнозу коюлат. Ал эми алты ай дарыланып чыккандан кийин болсо, кайра кандын оор васкулит дартына кабылган. Өздөрүнүн укугун коргой албаган Азиздин ата-энеси уулунун айыгып чыгышын гана тилеп отурган чагы.