Пакистан бийликтери Карачи шаарында тыюу салынган үч топтун жалпысынан 97 согушкери колго түшкөнүн ырастады. Өлкө армиясынын генералы Асим Бажванын бүгүн билдиргенине караганда, алар негизинен "Лашкар-Жангви", "Талибан", "ал-Каида" сыяктуу экстремисттик уюмдардын мүчөлөрү.
Акыркы айларда Карачинин ар кайсы аймагынан кармалган бул согушкерлер Пакистандын аскер аба күчтөрүнүн базаларына, аба майданша жана полиция бөлүмдөрүнө жасалган террордук чабуулдарды пландап уюштурууга жана ага түздөн-түз аралашууга айыпталууда.
