Өкмөткө караштуу Коррупцияга каршы кеңеш бүгүн өлкөдөгү жемкорлуктун абалын талкуулайт. “Парк отель” мейманканасында уюштурулуп жаткан жыйынды премьер-министр Темир Сариев жетектеп, акыркы жылдары өлкөдө паракорлукка каршы аткарылган иштердин күңгөй-тескейин карашат.
Жыйын 9-декабрь – коррупцияга каршы күрөшүүнүн эл аралык күнүнө карата уюштурулууда.
Кыргызстанда бийлик жемкорлукка каршы кескин күрөш жүргүзүп жатканын айтканы менен Улуттук статистика комитетинин баяндамасында катталган кылмыштардын арасында паракорлук жогорку көрсөткүчтө экени белгиленет. (SE)
