Абактын мурдагы башчысы каза болду
Жаза аткаруу кызматынын басма сөз кызматынын билдиришинче, №1 тергөө абагында жаткан №50 түрмөнүн мурдагы башчысы Иманкул Телтаев бүгүн таңкы саат жети жарымда асынып калган жеринен табылды. Иманкул Телтаев кызматына шалаакы мамилеси, өткөн айда камактан тогуз киши качып кеткени жана абак кызматкерлеринин өлүмүнө жол бергени үчүн кызматтан алынган эле. Ал Биринчи Май райондук сотунун чечими менен 11-ноябрь күнү бир айга тергөө абагына камалган болчу.
