Өзгөчө кырдаалдар министрининин басма сөз кызматынын “Азаттыкка” билдиришинче,Өзгөн районундагы Мырзаке айылында бүгүн 21-сентябрда саат ондор чамасында Өзгөн-Кара-Кулжа унаа жолунун 17-чакырымында Мерседес-Бенц жана Хонда Степ үлгүсүндөгү унаалар кагылышты.
Кырсыктан Мерседес-Бенц унаасындагы 2 киши, Хонда Степ унаасындагы 1 киши кыпчылып, каза болушкан. Алардын денесин куткаруучулар чыгарып, тез жардам кызматкерлерине өткөрүп беришти. Кырсыктын кесепетинен жабыркаган 8 киши тез жардам унаасы менен Өзгөн райондук ооруканага жеткирилген. Ооруканада алардын үчөө алган жаратынан каза болушту. Арасында 3 айлык ымыркай бар.
Азыр жарат алган беш кишиге медициналык жардам көрсөтүлүп жатат. (AzK)
