Кыргызстан менен Казакстан ортосундагы "Ак-Жол" өткөрмө бекетинде бажы көзөмөлүн токтотуп, чек араны ачууга соңку даярдыктар көрүлүүдө. Чек ара кызматы шаршемби, 12-августта бул бекет түшкө чейин жабык болорун, андыктан башка бекеттер аркылуу өтө турууну жарандарга эскертип жатат.
Чек ара жакын арада ачыларын, ага эки өлкөнүн расмийлери катышарын буга чейин өкмөттөн кабарлашкан.
Өткөн аптадан тарта Кыргызстан Евразия экономикалык биримдигине кирди. Бул уюмга буга чейин Армения, Беларус, Казакстан жана Орусия мүчө болчу.
Кыргыз-казак чек арасында «Ак-Тилек», «Чалдыбар», “Токмок”, “Кең-Булуң” өткөрмө бекеттери да бар. (RK)
