АКШнын Кыргызстандагы убактылуу ыйгарым укуктуу өкүлү болуп Ричард Майлз дайындалды. Майлз бул кызматты Сенат Кыргызстанга жаңы элчи дайынданганга чейин аткарып турат. Бишкектеги Америка элчилигинин басма сөз кызматы Майлз азырынча Кыргызстанда эместигин, жакынкы күндөрдө келип, ишке киришерин билдирди.
Мурдагы элчи Памела Спратлендин кызмат мөөнөтү аяктап, АКШнын Өзбекстандагы элчиси болуп дайындалган. (SE)
