Юстиция министри Алмамбет Шыкмаматовдун “Азаттыкка” билдиришинче, ал бүгүн кызматтан кетүү боюнча арызын премьер-министр Жоомарт Оторбаевге тапшырды.
Өткөн айда жергиликтүү гезиттердин бирине "Аида Салянова Нарымбаевдин саясий оюндарынын негизинде кызматтан кеткени тууралуу" Шыкмаматовго шилтеме берген маалымат жарыяланган эле. Нарымбаев министрдин үстүнөн коалициялык көпчүлүккө арыз жазып, расмий кечирим сурашын талап кылган.
Парламенттеги коалициялык кеңеш бул маселени 2-февралда карап, анда Шыкмаматов кечирим суроодон баш тарткан болчу. (AzK)
